नांदगाव (प्रतिनिधी): नांदगाव तालुक्याचे सह दुय्यम निबंधक दत्तात्रय गांगोर्डे यांची बदली झाल्याने नांदगाव येथील त्यांच्या सेवाकाळाच्या शेवटच्या दिवशी त्यांचा सन्मानपूर्वक सत्कार करण्यात आला.
युसूफ भाई मिठाईवाला व वंचित बहुजन आघाडीचे नाशिक जिल्हा सचिव कादिर शेख यांच्या हस्ते गांगोर्डे साहेबांचा शाल व पुष्पहार देऊन सत्कार करण्यात आला.
गांगोर्डे साहेबांनी आपल्या कार्यकाळात नागरिकांना वेळेत व पारदर्शक सेवा देण्यावर विशेष भर दिला. दस्त नोंदणी व इतर शासकीय कामकाजात शिस्त, कार्यक्षमता, प्रामाणिकपणा आणि सर्वसामान्य नागरिकांशी सौजन्यपूर्ण वर्तन या गुणांमुळे त्यांनी नागरिकांचा विश्वास संपादन केला. कार्यालयीन कामकाज अधिक गतिमान व लोकाभिमुख करण्यासाठी त्यांनी सातत्याने प्रयत्न केले. त्यांच्या कर्तव्यदक्ष व निष्पक्ष कार्यशैलीमुळे ते अधिकारी, कर्मचारी तसेच नागरिकांमध्ये आदराचे स्थान निर्माण करण्यात यशस्वी ठरले.
यावेळी उपस्थित मान्यवरांनी गांगोर्डे साहेबांच्या उल्लेखनीय कार्याचा गौरव करत त्यांच्या पुढील सेवाप्रवासासाठी शुभेच्छा दिल्या.
या सत्कार समारंभास सह दुय्यम निबंधक कार्यालयातील अधिकारी व कर्मचारी, तसेच नांदगाव तालुक्यातील नागरिक मोठ्या संख्येने उपस्थित होते. उपस्थितांनी गांगोर्डे साहेबांच्या सेवाभावी कार्याबद्दल कृतज्ञता व्यक्त करून त्यांच्या उज्ज्वल भवितव्यासाठी शुभेच्छा दिल्या.
0 टिप्पण्या