मनमाड : मनमाड नगरपरिषदेच्या उपाध्यक्षपदाची निवडणूक आता २४ ऑगस्ट रोजी होणार आहे. जिल्हाधिकारी कार्यालय, नाशिकच्या नगरविकास शाखेने याबाबत विशेष सभेची अधिकृत नोटीस जारी केली आहे. सोमवार, दि. २४ ऑगस्ट २०२६ रोजी दुपारी १२ वाजता मनमाड नगरपरिषदेत ही विशेष सभा आयोजित करण्यात आली आहे.
मनमाड नगरपरिषदेचे तत्कालीन उपनगराध्यक्ष मुकुंद गौतम एलीजे यांनी ५ ऑगस्ट २०२६ रोजी उपाध्यक्षपदाचा राजीनामा दिला होता. हा राजीनामा नगराध्यक्षांनी मंजूर केल्यानंतर उपाध्यक्षपद रिक्त झाले. याबाबत मुख्याधिकारी, मनमाड नगरपरिषद यांनी ६ ऑगस्ट रोजी जिल्हाधिकारी कार्यालयाला कळविले होते.
महाराष्ट्र नगरपरिषदा, नगरपंचायती आणि औद्योगिक नगरी अधिनियम १९६५ मधील संबंधित तरतुदींनुसार रिक्त झालेल्या उपाध्यक्षपदाची निवडणूक घेणे आवश्यक असल्याने ही विशेष सभा बोलावण्यात आली आहे.
या निवडणुकीसाठी तहसीलदार, नांदगाव यांना पीठासीन अधिकारी म्हणून प्राधिकृत करण्यात आले आहे. जिल्हाधिकारी नाशिक यांच्या आदेशानुसार मनमाड नगरपरिषदेतील निवडून आलेल्या सर्व सदस्यांनी या विशेष सभेस उपस्थित राहण्याचे आवाहन करण्यात आले आहे.
त्यामुळे आता मनमाड नगरपरिषदेचा नवा उपाध्यक्ष कोण होणार? याकडे शहरातील राजकीय वर्तुळासह नगरसेवकांचे लक्ष लागले आहे. आगामी निवडणुकीत कोणाच्या नावावर शिक्कामोर्तब होते, याची उत्सुकता वाढली आहे.
0 टिप्पण्या