मनमाड : मनमाड नगरपरिषद हद्दीतील प्रभाग क्रमांक १४ मध्ये माता रमाई नगर येथे त्यागमूर्ती रमाई यांचा अर्धकृती पुतळा सुमारे 40 वर्ष जुना व लोकसहभागातून उभारण्यात आलेला असून सदर ठिकाणी परिसरातील नागरिकांकडून मोठ्या प्रमाणात सार्वजनिक व सांस्कृतिक कार्यक्रम आयोजित करण्यात येत असतात, सदरील सांस्कृतिक कार्यक्रमासाठी रमाबाई नगर येथे त्यागमूर्ती माता रमाई यांच्या पुतळ्यालगत परिसरातील नागरिकांकडून भव्य सभामंडप उभारण्यात यावा अशी मागणी करण्यात आली असून तसें निवेदन ,मनमाड नगरपरिषदेचे नगराध्यक्ष योगेश पाटील व मुख्याधिकारी शेषराव चौधरी बांधकाम सभापती अमित पटेल तसेच प्रभाग क्रमांक 14 चे नगरसेवक, पाणीपुरवठा सभापती विशाल अहिरे व शारदा राहुल अहिरे यांच्याकडे सादर केले असून निवेदनात नमूद नुसार सभामंडपाचे बांधकाम सुरू असताना माता रमाई यांच्या पुतळ्याचे नुकसान होण्याची शक्यता असल्याने बांधकाम सुरू करण्यापूर्वी सदरील पुतळा सुरक्षित ठिकाणी हलविण्यात यावा, अशी मागणीही स्थानिक नागरिकांनी केली आहे.
तसेच सभामंडपाचे बांधकाम लवकरात लवकर हाती घेण्यात यावे , अशीही मागणी नागरिकांनी केली आहे. यावेळी संतोष भोसले, राजेश चव्हाण, गणेश भालेराव, गौरव गरुड, सम्यक आहिरे, अशोक संसारे, कुणाल शिंदे, राजू उबाळे यांच्यासह माता रमाई नगर परिसरातील स्थानिक नागरिक उपस्थित होते.
0 टिप्पण्या