मनमाडमध्ये 'वंचित'च्या वतीने सामाजिक उपक्रम राबवून बाळासाहेब आंबेडकरांचा वाढदिवस साजरा
मनमाड: (प्रतिनिधी) वंचित बहुजन आघाडीचे राष्ट्रीय अध्यक्ष, बहुजन हृदयसम्राट आदरणीय ॲड. प्रकाश तथा बाळासाहेब आंबेडकर यांच्या ७२ व्या वाढदिवसानिमित्त, वंचित बहुजन आघाडी मनमाड शहराच्या वतीने विविध सामाजिक उपक्रम राबवून हा दिवस मोठ्या उत्साहात साजरा करण्यात आला. राजकीय उत्सवापेक्षा सामाजिक बांधिलकीला प्राधान्य देत, मनमाड येथील उपजिल्हा रुग्णालयात रुग्णांना फळे आणि बिस्किटांचे वाटप करण्यात आले. यावेळी कार्यकर्त्यांनी रुग्णांच्या तब्येतीची विचारपूस करून त्यांना लवकर बरे होण्यासाठी शुभेच्छा देण्यात आले.
आदरणीय ऍड प्रकाश तथा बाळासाहेब आंबेडकर साहेबांच्या वाढदिवसानिमित्त व वंचित बहुजन आघाडीचे शहराध्यक्ष विलास आहिरे यांचे वाढदिवसानिमित्त उद्या 11 मे रोजी गोरगरीब गरजूंना छत्र्या वाटप करण्यात येणार असून. तसेच पुस्तके देखील वाटप करण्यात येणार आहे.
"साहेबांच्या विचारांचा वारसा हा केवळ भाषणांतून नाही, तर सेवेच्या माध्यमातून पुढे नेणे हीच खरी त्यांना वाढदिवसाची भेट आहे," अशी भावना यावेळी उपस्थित पदाधिकाऱ्यांनी व्यक्त केली.
याप्रसंगी वंचित बहुजन आघाडीच्या जिल्हा कमिटीचे पदाधिकारी, मनमाड शहर कमिटीचे सर्व पदाधिकारी आणि पक्षाचे निष्ठावान कार्यकर्ते मोठ्या संख्येने उपस्थित होते. उपजिल्हा रुग्णालयातील या उपक्रमाचे सर्वत्र कौतुक होत असून, साहेबांना उदंड आयुष्य लाभो, अशी सदिच्छा यावेळी सर्व कार्यकर्त्यांनी व्यक्त केली.
0 टिप्पण्या