आय.यु.डी.पी. परिसरात मातृशक्तीची बैठक उत्साहात; गुढीपाडव्याच्या भव्य शोभायात्रा व विराट हिंदू संमेलनाचा निर्धार
मनमाड प्रतिनिधी :
मनमाड येथील आय.यु.डी.पी. परिसरातील मातृशक्तीची बैठक कमलाक्ष गणपती मंदिर येथे उत्साही वातावरणात पार पडली. आगामी गुढीपाडवा हिंदू नववर्ष स्वागतानिमित्त भव्य शोभायात्रा तसेच विराट हिंदू संमेलन अभूतपूर्व उत्साहात साजरे करण्याचा ठाम निर्धार या बैठकीत महिलांनी व्यक्त केला.
या बैठकीस ज्येष्ठ हिंदुत्ववादी कार्यकर्त्या सायली पेंडसे यांनी मार्गदर्शन केले. आय.यु.डी.पी. परिसरात आयोजित करण्यात येणाऱ्या संमेलनाच्या तयारीसाठी ही चौथी बैठक असल्याचे सांगण्यात आले. परिसरातील महिलांनी बैठकीचे नियोजन अत्यंत चोख केले असून त्यांचा सहभागही मोठ्या उत्साहाने दिसून आला.
यावेळी सायली पेंडसे तसेच केतन देवरे यांनी उपस्थितांना मार्गदर्शन करताना हिंदू संस्कृतीचे महत्त्व, हिंदू नववर्ष स्वागत यात्रेची परंपरा आणि आगामी विराट हिंदू संमेलनाच्या तयारीबाबत सविस्तर माहिती दिली. तसेच गुढीपाडव्याच्या शोभायात्रेत पारंपरिक व सांस्कृतिक कार्यक्रम, आकर्षक सजावट, रांगोळी, तसेच विविध सांस्कृतिक उपक्रमांचा समावेश करण्याचा निर्णयही यावेळी घेण्यात आला.
या बैठकीमुळे परिसरातील महिलांमध्ये मोठा उत्साह निर्माण झाला असून गुढीपाडव्याच्या निमित्ताने निघणाऱ्या भव्य शोभायात्रेत प्रत्येक घरातून सक्रिय सहभाग नोंदवण्याचा संकल्प करण्यात आला आहे. कार्यक्रम यशस्वी करण्यासाठी परिसरातील नागरिक विशेष परिश्रम घेत असल्याचेही यावेळी सांगण्यात आले.
0 टिप्पण्या