खिदमते खल्क फॉउंडेशनच्या पुढाकाराने मनमाडमधील गरजू विद्यार्थ्यांना मोफत वह्यांचे वाटप

मनमाड: खिदमते खल्क फॉउंडेशन, मनमाड यांच्या वतीने एच.ए.के. हायस्कूल अँड ज्युनियर कॉलेज, मनमाड येथील गरजू विद्यार्थ्यांना मोफत वह्यांचे वाटप करण्यात आले. सामाजिक बांधिलकी जपत फॉउंडेशनने नेहमीप्रमाणे गरजूंसाठी पुढाकार घेत हा उपक्रम यशस्वीपणे पार पाडला. या कार्यक्रमाला फॉउंडेशनचे अध्यक्ष मौलाना तौसिफ साहब यांच्यासह सर्व पदाधिकारी, शाळेचे पर्यवेक्षक अन्सारी शाहिद अख्तर, शेख आरिफ कासम, शिक्षक आणि शिक्षकेतर कर्मचारी उपस्थित होते.

शाळेचे मुख्याध्यापक भुषण दशरथ शेवाळे आणि संस्थेच्या सदस्या आयशा मो. सलीम गाजियानी यांनी खिदमते खल्क फॉउंडेशनच्या या सामाजिक कार्याचे कौतुक करत आभार मानले. कार्यक्रमाचे सूत्रसंचालन उपशिक्षक सैय्यद अफरोजोद्दीन ताजोद्दीन यांनी अतिशय उत्तमरित्या केले.

खिदमते खल्क फॉउंडेशन गेल्या अनेक वर्षांपासून गरजू विद्यार्थ्यांना शैक्षणिक साहित्य, आर्थिक मदत आणि इतर सामाजिक उपक्रमांद्वारे सातत्याने सहाय्य करत आहे. या उपक्रमामुळे अनेक विद्यार्थ्यांना शिक्षणाच्या प्रवाहात राहण्यासाठी प्रोत्साहन मिळाले आहे. फॉउंडेशनच्या या कार्याला स्थानिक समुदायाकडूनही मोठा पाठिंबा मिळत आहे.