रोटरी क्लब ऑफ मनमाडतर्फे गरजू विद्यार्थ्यांना शैक्षणिक साहित्य वाटप; नवीन किचन रूमचे भूमिपूजन

 

मनमाड, दि. १७ जुलै २०२५: रोटरी क्लब ऑफ मनमाड आणि माने परिवारातर्फे व्हि. एन. नाईक हायस्कूल येथे कै. पौर्णिमा माने यांच्या स्मृतिदिनानिमित्त गरजू विद्यार्थी-विद्यार्थिनींना शैक्षणिक साहित्य वाटप करण्यात आले. यामध्ये पुस्तके, कंपास बॉक्स आणि ड्रेस यांचा समावेश होता. कार्यक्रमात क्लबचे माजी अध्यक्ष लवकुमार माने आणि माने परिवार उपस्थित होते.

याचवेळी, गुरुद्वारा गुप्तसर साहिबचे प्रबंधक बाबा रणजीत सिंह यांच्या हस्ते शाळेत नवीन किचन रूमचे भूमिपूजन झाले. गुरुद्वारातर्फे किचन रूमच्या बांधकामासाठी ११३ सिमेंट गोण्या त्वरित उपलब्ध करून देण्यात आल्या.शाळेचे चेअरमन आमदार जगन्नाथ धात्रक यांनी रोटरी क्लब आणि गुरुद्वाराचे आभार मानले.

कार्यक्रमाला रोटरीचे ज्येष्ठ सदस्य सुभाष गुजराथी, अनिल काकडे, गुरुजीत सिंह कांत, देवराम सदगीर, प्रकाश भुजबळ, स्वप्नील सूर्यवंशी, नवनिर्वाचित अध्यक्ष डॉ. भूषण शर्मा, सचिव कौशल शर्मा, सौ. कांत, सौ. सदगीर यांच्यासह शाळेचे मुख्याध्यापक, शिक्षक आणि शिक्षकेत्तर कर्मचारी उपस्थित होते. उपक्रमाच्या यशस्वीतेसाठी सर्वांचे मोलाचे सहकार्य लाभले.