मनमाड जेऊर बस ची वेळ बदलाण्याबाबत शिवसेना महिला आघाडीचे निवेदन

 

  

   मनमाड.  आमदार सुहास आण्णा कांदे यांच्या मार्गदर्शनात मनमाड जेऊर रात्रीची बस ही एक दीड तास आधी करावी या साठी शिवसेना महिला आघाडीने डेपो मॅनेजर मनमाड बस डेपो यांना निवेदन दिले. 

       मनमाड येथे शिक्षण घेण्यासाठी अनेक विध्यार्थी व विद्यार्थिनी हे #मनमाड - #जेऊर या बसने प्रवास करतात. या बस मध्ये याणाऱ्या विध्यार्थिनीची संख्या लक्षणीय आहे. यात आस्तगाव, खादगाव, भार्डी, धनेर, जेऊर येथून विद्यार्थिनी येत असतात. या बस ची वेळ रात्री 8 वाजता आहे. सायं 5:30 वा. शाळा सुटल्यानंतर सदरील विद्यार्थिनी हया रात्री 8:00 वाजेपर्यंत मनमाड डेपो परिसरात बसून असतात. उशीर होत असल्या कारणाने काळजीपोटी अनेक विद्यार्थिनीची शाळा पालकांनी बंद केली आहे त्यामुळे त्यांना शिक्षणापासून मुकावे लागले आहे. सदरील बस हि जेऊर येथे मुक्कामी जात असते.
       सदरील बसची वेळ 1 ते 1:30 तास आधी केल्यास या विद्यार्थिनीची सोय होईल.असे शिवसेना मनमाड शहर प्रमुख मयूर भाऊ बोरसे यांच्या लेटरपॅड वर सदर दिलेल्या निवेदनात म्हटले आहे.

         या प्रसंगी शिवसेना महिला आघाडी तालुकाप्रमुख विद्याताई जगताप, शहरप्रमुख संगीताताई बागुल, विधानसभा संघटक पूजाताई छाजेड, नाजमा मिर्झा,सुरेखा ढाके, नीता लोंढे, अलका कुमावत, लक्ष्मी अहिरे उपस्थित होत्या.