प्रमुख रस्त्यासह पालिकेच्या शाळेच्या आवारात सीसीटीव्ही बसवण्याची रिपाइंची मागणी.

 

प्रमुख रस्त्यासह पालिकेच्या शाळेच्या आवारात सीसीटीव्ही बसवण्याची रिपाइंची मागणी.

जन आवाज न्युज.संपादक.आफरोज अत्तार.

मनमाड - नाशिक जिल्ह्यातील मनमाड हे प्रमुख रेल्वे स्टेशन असलेले हजारो लोक या शहरातून जा ये करत असतात. मागील काही दिवसापासून शहरात कायदा व सुव्यवस्थेचा प्रश्न निर्माण झाला. मोटर सायकली चोरी, मंगळसूत्र चोर व भुरट्या चोरांनी गावात धुमाकूळ घातला आहे. दर दोन चार दिवसांनी गावात मोटर सायकल चोरीची घटना घडत आहे तसेच दोन दिवसांपूर्वी संपूर्ण मानव जातीला कालिमा फासवणारी घटना घडली. लोकेश सोनवणे या नऊ वर्षीय बालकांची निर्घृपणे हत्या हत्या करण्यात आली. त्यामुळे पुर्ण मनमाड शहर हादरुन गेले आणि पुन्हा एकदा लहान मुल आणि

महिलांच्या सुरक्षेचा मुद्दा उपस्थित होता. मनमाड नगर पालिकेने मानव हिताच्या दृष्टिकोनातून लवकरच शहराच्या प्रमुख रस्त्यावर व नगर परिदेच्या सर्व शाळांच्या आवारात सीसीटीव्ही बसवाव्यात अन्यथा रिपब्लिकन पार्टी ऑफ इंडिया (आठवले) तर्फे उत्तर महाराष्ट्र कार्याध्यक्ष दिनकर धिवर, तालुका अध्यक्ष कैलास आहिरे, शहर अध्यक्ष दिलीप नरवडे, युवा तालुका अध्यक्ष गुरुकुमार निकाळे, व शहर सचिव, अॅड. प्रमोद आहिरे यांच्या नेतृत्वाखाली रिपाइं स्टाईलने आंदोलन करण्यात येईल व यापुढील होणाऱ्या परिणामास मनमाड नगरपालिका प्रशासन जबाबदार असेल असा इशारा निवेदनात देण्यात आला आहे.