भारतीय प्रजासत्ताक दिनानिमित्त जमीयत उल्मा-ए-हिंद मनमाडतर्फे भव्य रक्तदान शिबिराचे आयोजन

 

मनमाड .भारतीय प्रजासत्ताक दिनाच्या औचित्याने जमीयत उल्मा-ए-हिंद, मनमाड यांच्या वतीने शहरात भव्य रक्तदान शिबिराचे आयोजन करण्यात आले. देशसेवा व सामाजिक बांधिलकीचा संदेश देणाऱ्या या उपक्रमाला नागरिकांचा उत्स्फूर्त प्रतिसाद लाभला.

या रक्तदान शिबिरात तरुण, सामाजिक कार्यकर्ते, कार्यकर्ते तसेच विविध स्तरातील नागरिकांनी मोठ्या संख्येने सहभाग नोंदवून स्वेच्छेने रक्तदान केले. “रक्तदान हे श्रेष्ठदान” या भावनेतून अनेक युवकांनी प्रथमच रक्तदान करत सामाजिक जबाबदारीचे भान जपले.

कार्यक्रमाच्या उद्घाटनप्रसंगी आयोजकांनी प्रजासत्ताक दिनाचे महत्त्व विशद करत देशाच्या एकता, अखंडता व मानवतेच्या सेवेसाठी प्रत्येक नागरिकाने योगदान द्यावे, असे आवाहन केले. वैद्यकीय तज्ञ व कर्मचाऱ्यांच्या उपस्थितीत सर्व आवश्यक आरोग्य तपासणी करून सुरक्षित पद्धतीने रक्तसंकलन करण्यात आले.

जमीयत उल्मा-ए-हिंद मनमाड यांनी आयोजित केलेल्या या उपक्रमाबद्दल उपस्थित मनमाड नगर परिषद नगराध्यक्ष योगेश पाटील. नगरसेवक सादिक पठाण. माजीद शेख. मुश्ताक कुरेशी. सह अनेक नागरिकांनी समाधान व्यक्त केले असून, भविष्यातही अशा सामाजिक उपक्रमांचे सातत्य राखण्याची अपेक्षा व्यक्त करण्यात आली. या वेळी जमीयत उल्मा ए हिंद मनमाड मौलाना तौसिफ़ आलमगिरी. मौलाना कामील. हाफिज जाकीर.कादीर अब्बास शेख,कयाम सैय्यद, .शकील शेख. इमरान सर, शोहेब तांबोळी. ओसामा शेख,इमरान कादरी, वसीम खान, फिरोज शेख.