मनमाड : मनमाड येथे डॉ. बाबासाहेब आंबेडकर यांची भव्य ‘भीमसृष्टी’ उभारण्याचे स्वप्न आता लवकरच प्रत्यक्षात उतरणार आहे. नांदगाव तालुक्याचे कार्यसम्राट आमदार सुहास (आण्णा) कांदे यांनी गेल्या वर्षी भीमसैनिकांना दिलेल्या आश्वासनाची पूर्तता करण्यासाठी मोठी झेप घेतली असून, मनमाड नगरपरिषदेने १३ ऑक्टोबर २०२५ रोजी प्रशासकीय ठराव करून वाघदर्डी धरण परिसरात २ एकर जागा ‘भीमसृष्टी’साठी मंजूर केली आहे.
महायुतीच्या प्रचार सभेत शिवसेना नेते तथा महाराष्ट्राचे उपमुख्यमंत्री मा. एकनाथ शिंदे यांनी २४ नोव्हेंबर रोजी मनमाडमध्ये याच भीमसृष्टीच्या उभारणीला पुन्हा एकदा हिरवा कंदील दाखवला होता. त्याच पार्श्वभूमीवर आज (बुधवार) आमदार सुहास कांदे यांच्या वैयक्तिक निधीतून वॉल कंपाऊंड उभारणीच्या कामाला गती देण्यासाठी मनमाड नगरपरिषदेचे मुख्याधिकारी श्री. शेषराव चौधरी यांनी प्रत्यक्ष जागेची पाहणी केली.
यावेळी युवासेना जिल्हाप्रमुख फरहान (दादा) खान, शिवसेना शहरप्रमुख मयूर बोरसे, युवासेना शहर अधिकारी योगेश इमले, अमोल दंडगव्हाळ, विशाल पगार आदी मान्यवर उपस्थित होते.
भीमसैनिकांसह मनमाडकरांच्या मनात घर करून असलेली ‘भीमसृष्टी’ आता केवळ काही महिन्यांवर येऊन ठेपली असल्याने शहरात आनंदाचे वातावरण आहे. आमदार सुहास (आण्णा) कांदे यांच्या विकासकामांना मिळालेल्या यशाचे मनमाडकर कौतुक करीत आहेत.
0 टिप्पण्या