मनमाड नगर परिषद निवडणूक २०२५ : उद्या २८ नोव्हेंबरला मतदान यंत्रांची सेटिंग व सिलिंग प्रक्रिया; उमेदवार-प्रतिनिधींना उपस्थित राहण्याचे आवाहन

मनमाड : मनमाड नगर परिषद सार्वत्रिक निवडणूक २०२५ साठी ईव्हीएम (मतदान यंत्र) व व्हीव्हीपॅटची सेटिंग व सिलिंग प्रक्रिया उद्या दिनांक २८ नोव्हेंबर २०२५ रोजी सकाळी ठीक ९.०० वाजल्यापासून कै. वर्धमान बरडीया सर्व वाचनालय, आय.यू.डी.पी, मनमाड येथे पार पडणार आहे.

निवडणूक प्रक्रियेची पूर्ण पारदर्शकता व निष्पक्षता टिकवण्यासाठी ही प्रक्रिया सर्व उमेदवार किंवा त्यांच्या अधिकृत निवडणूक प्रतिनिधींच्या उपस्थितीत होणार असल्याचे निवडणूक विभागाने कळवले आहे. उमेदवारांनी स्वतः किंवा त्यांच्या प्रतिनिधींनी वेळेत उपस्थित राहावे, असे आवाहन करण्यात आले आहे.