मनमाड, दि. 04 सप्टेंबर 2025: हजरत मोहम्मद पैगंबर जयंती आणि ईद-ए-मिलाद-उन-नबी निमित्त आयोजित मिरवणुका सौहार्दपूर्ण आणि शांततामय वातावरणात पार पाडण्यासाठी मनमाड पोलीस ठाण्याचे वरिष्ठ पोलीस निरीक्षक विजय करे यांच्या नेतृत्वाखाली शांतता कमिटीची बैठक आयोजित करण्यात आली. या बैठकीला मनमाड शहरातील मुस्लिम समाजातील सर्व प्रमुख व्यक्ती, माजी नगरसेवक, समाजसेवक आणि सामाजिक कार्यकर्ते उपस्थित होते.
बैठकीत मिरवणुकीदरम्यान कायदा व सुव्यवस्था राखण्यासाठी आणि वाहतूक कोंडी टाळण्यासाठी महत्त्वपूर्ण निर्णय घेण्यात आले. मिरवणुकीतील डीजे आणि रथ देखावे काढणाऱ्या मंडळांना सकाळी 10 वाजेपर्यंत पाकीजा कॉर्नर, हायवे रोड येथे उपस्थित राहण्याचे आणि आपले रथ व देखावे लवकरात लवकर काढण्याचे आवाहन करण्यात आले. यामुळे हायवे रोडवरील वाहतूक कोंडी टाळली जाईल, असे पोलीस निरीक्षक विजय करे यांनी सांगितले. या निर्णयाचे मुस्लिम समाजाने स्वागत केले असून, सर्व मंडळांनी लवकरात लवकर डीजे आणि रथ काढण्याची कबुली दिली आहे.
मिरवणुकीसाठी डीजे सिस्टीमच्या परवानगी घेण्याचे आणि कोणताही अनुचित प्रकार घडू नये यासाठी सर्व मंडळांनी काळजी घ्यावी, असे मार्गदर्शन पोलीस अधिकाऱ्यांनी केले. यावेळी उपस्थित सर्वांनी कायदा व सुव्यवस्थेचे पालन करण्याचे आश्वासन दिले. बाईट मनमाड पोलीस निरीक्षक. विजय करे
बैठकीला उपस्थित प्रमुख व्यक्ती:
माजी नगरसेवक मुश्ताक बब्बु कुरेशी, लियाकत शेख, अमिन पटेल, अकबर सोनावाला, सादिक तांबोळी, नाजिम शेख, समाजसेवक कदिर शेख , अज्जु भाई शेख, कयाम सैय्यद, इमरान शहा, अकबर शहा, जावीद शेख, आसिफ शेख, शब्बीर शेख,नईम शेख आणि पत्रकार आफरोज अत्तार यांच्यासह शहरातील इतर मान्यवर उपस्थित होते.
या बैठकीमुळे मनमाड शहरात ईद-ए-मिलाद-उन-नबीचा उत्सव शांततेत आणि सौहार्दपूर्ण वातावरणात साजरा होण्याचा मार्ग मोकळा झाला आहे.
0 टिप्पण्या