हजरत निजामुद्दीन ते कल्याण दरम्यान धावणाऱ्या मंगला एक्सप्रेसमध्ये A1 कोचमध्ये एका अल्पवयीन बालिकेवर अत्याचाराचा प्रयत्न करणाऱ्या संशयित तरुणाला मनमाड रेल्वे लोहमार्ग पोलिसांनी अटक केली आहे. मध्यप्रदेशातील एका सरकारी कर्मचाऱ्याच्या कुटुंबासमोर ही घटना घडली, जेव्हा रात्रीच्या वेळी वरच्या बर्थवर झोपलेल्या बालिकेशी संशयिताने गैरकृत्याचा प्रयत्न केला. मुलीच्या विरोधानंतर तिचे तोंड दाबण्याचा प्रयत्न करत संशयिताने पळ काढला, परंतु मुलीच्या वडिलांनी पाठलाग करत त्याला पॅन्ट्री कारजवळ पकडले. रेल्वे सुरक्षा बलाच्या मदतीने संशयिताला मनमाड रेल्वे पोलिसांच्या ताब्यात देण्यात आले. मनमाड रेल्वे लोहमार्ग पोलीस ठाण्यात छेडखानी आणि पोस्को कायद्यांतर्गत (कलम 74) गुन्हा दाखल करण्यात आला आहे. संशयिताला मालेगाव जिल्हा सत्र न्यायालयात हजर केले असता, त्याला दोन दिवसांची पोलीस कोठडी सुनावण्यात आली. या प्रकरणाचा तपास पोलीस उपनिरीक्षिका जोगदंड करत आहेत.
0 टिप्पण्या