मनमाड, ता. १८ जून – स्वातंत्र्य चळवळीत ऐतिहासिक भूमिका बजावणारी आणि आजही देशभर सामाजिक कार्यात अग्रस्थानी असलेली जमियते उल्मा ए हिंद संघटनेची मनमाड शाखेची आढावा बैठक नुकतीच संपन्न झाली. जमियते उल्मा ए हिंद, सुलेमानी चौक मालेगाव. नाशिक जिल्हा कमिटीचे अध्यक्ष मौलाना आसिफ शाबान साहेब यांच्या नेतृत्वात ही बैठक मनमाड शहरात घेण्यात आली.
बैठकीत मनमाड शहर कमिटीने आपल्या सामाजिक कार्याचा तपशीलवार अहवाल सादर केला. दरम्यान, पूरग्रस्तांना मदत, गरजूंच्या लग्नाचा खर्च उचलणे, तसेच उपचारांसाठी मदत यासारख्या विविध कार्यांचा राबविण्यात आले सदर कार्याचा आढावा घेण्यात आला. यावेळी मौलाना आसिफ शाबान यांनी सांगितले की, "मनमाड शहरात लवकरच सदस्य नोंदणी प्रक्रिया सुरू करण्यात येणार असून, भविष्यातील सामाजिक कार्यक्रमांचे नियोजन आखले जाईल. अजेंडा लवकरच प्रसिद्ध केला जाईल."
या बैठकीस कारी अखलाख साहेब सोबत जिल्हा कमिटीचे सदस्य तसेच मनमाड शहर कमिटीचे शहर उपाध्यक्ष मौलाना तौसिफ आलमगिरी, व फिरोज शेख, शहर सचिव कादीर शेख, शहर खनीनदार कयाम सैय्यद, सोबत, इमरान खान, इमरान कादरी आदी अनेक पदाधिकारी व सभासद मोठ्या संख्येने उपस्थित होते. बैठकीदरम्यान समाजातील गरजूंना अधिक सक्षम पद्धतीने मदत कशी करता येईल, यावर सखोल चर्चा झाली. जमियते उल्मा ए हिंद ही संघटना पुढेही समाजाच्या हितासाठी आपले कार्य अधिक बळकट करणार असल्याचा विश्वास यावेळी व्यक्त करण्यात आला.
0 टिप्पण्या