नांदगाव :येथील एच.आर. हायस्कूलने यंदाही आपली यशस्वी परंपरा कायम ठेवत एस.एस.सी. परीक्षेत 100 टक्के निकालाची कमाल केली आहे. या यशात मुलींनी विशेष छाप पाडली असून, त्यांनी मेहनतीच्या जोरावर अव्वल स्थान पटकावले आहे. अनम शेख गालिब हिने 88.20% गुण मिळवत शाळेत पहिला क्रमांक मिळवला, तर अमारा आसिफ शेखने 84.20% गुणांसह दुसरा आणि आयशा शेख अफझलने 83.20% गुणांसह तिसरा क्रमांक मिळवला. या यशस्वी मुलींनी नारीशक्तीचा झेंडा अभिमानाने फडकवला आहे.
या यशाबद्दल शाळेचे मुख्याध्यापक आणि सर्व शिक्षकांनी विद्यार्थ्यांचे मनापासून अभिनंदन केले. मुख्याध्यापकांनी शिक्षकांच्या अथक परिश्रमांचे आणि मार्गदर्शनाचे कौतुक करत सांगितले की, “मुलींनी दाखवलेली मेहनत आणि जिद्द खरोखरच प्रेरणादायी आहे. त्यांनी सिद्ध केले आहे की, मुली कोणत्याही क्षेत्रात मुलांपेक्षा कमी नाहीत.”
या यशामुळे नंदगाव परिसरात आनंदाचे वातावरण आहे. अनम, अमारा आणि आयशा यांच्या यशाने मुलींना शिक्षण आणि मेहनतीच्या बळावर यश मिळवण्यासाठी प्रेरणा मिळेल. नारीशक्तीच्या या विजयाने सर्वांचे मन जिंकले असून, त्यांचे हे यश इतर विद्यार्थ्यांसाठीही प्रेरणादायी ठरेल.
एच.आर. हायस्कूलच्या या यशस्वी विद्यार्थ्यांचे आणि शिक्षकांचे हार्दिक अभिनंदन!
0 टिप्पण्या