देवळालीत रिपब्लिकन पक्षाची नवी कार्यकारिणी जाहीर: नव्या नेतृत्वाला संधी

जन आवाज न्यूज: प्रतिनिधी.राजेद्र धिंगाण.

देवळाली कॅम्प – रिपब्लिकन पक्षाच्या (आठवले गट) देवळाली कॅम्प शहर शाखेने आपली जुनी कार्यकारिणी बरखास्त करून नव्या चेहऱ्यांना संधी देत नूतन कार्यकारिणी जाहीर केली आहे. नाशिक जिल्हा प्रमुख तसेच उत्तर महाराष्ट्र प्रमुख प्रकाश लोंढे आणि राज्य सचिव डॉ. संतोष कटारे यांच्या मार्गदर्शनाखाली ही निवड प्रक्रिया पार पडली. या नव्या नेतृत्वाला पक्षाच्या वतीने नियुक्तीपत्रे प्रदान करण्यात आली असून, यामुळे स्थानिक पातळीवर पक्षाला नवसंजीवनी मिळण्याची अपेक्षा व्यक्त केली जात आहे.

नव्या कार्यकारिणीत राजाभाऊ जाधव यांची शहराध्यक्षपदी निवड झाली आहे. त्यांच्यासोबत सुनील काळे (शहराध्यक्ष - उद्योग आघाडी), आनंद मोरे(महाराष्ट्र राज्य सरचिटणीस - उद्योग आघाडी), मनोज पगारे आणि अनिल पगारे(नाशिक जिल्हा संघटक), विजय साळवे (जिल्हा संपर्कप्रमुख - उद्योग आघाडी) तसेच उपाध्यक्ष उद्योग आघाडी म्हणून जिल्हाध्यक्ष यांची नियुक्ती करण्यात आली आहे. या नव्या टीमकडून पक्षाच्या कार्याला गती मिळेल, असा विश्वास व्यक्त होत आहे.
नियुक्तीपत्र वितरणाचा कार्यक्रम प्रकाश लोंढे यांच्या हस्ते पार पडला. यावेळी समाधान जगताप, अजय वहाणे (भगूर शहराध्यक्ष), रिपाई नेते राजेश माळोदे, शैलेश पगारे, इंदर वायदंडे यांच्यासह अनेक मान्यवर उपस्थित होते. या नव्या नेतृत्वाच्या माध्यमातून रिपब्लिकन पक्ष स्थानिक पातळीवर आपले बस्तान अधिक मजबूत करेल, अशी आशा कार्यकर्त्यांनी व्यक्त केली.

ही नवी कार्यकारिणी पक्षाच्या ध्येयधोरणांना गती देण्यासाठी कटिबद्ध असून, आगामी काळात देवळाली कॅम्प परिसरात विविध सामाजिक आणि राजकीय उपक्रम राबवण्याचा मानस आहे.