मनमाड येथे छत्रपती संभाजी महाराजांच्या पुण्यतिथीनिमित्त अभिवादन समारंभ संपन्न

 

मनमाड येथे छत्रपती संभाजी महाराजांच्या पुण्यतिथीनिमित्त अभिवादन समारंभ संपन्न

मनमाड: धर्मवीर छत्रपती संभाजी महाराज यांच्या पुण्यतिथीनिमित्त छ. संभाजी महाराज नगर, मनमाड येथे आमदार सुहास (आण्णा) कांदे यांच्या संकल्पनेतून साकारण्यात आलेल्या छत्रपती संभाजी महाराज स्मारकस्थळी अभिवादनाचा विशेष कार्यक्रम संपन्न झाला. या प्रसंगी स्मारकाला हार व पुष्प अर्पण करून छत्रपती संभाजी महाराजांना मानवंदना देण्यात आली.

कार्यक्रमाला नाना शिंदे, नितिन पाटील, मयूर माळी, आशिष पाराशर, अशपाक सय्यद, मिलिंद कल्याणकर, ओम वाघ, चेतन कनोजे, दिनेश घुगे, जय परदेशी, वृंदावनसिंग बडवा, ऋषिकेश आव्हाड, लखन साळवे, मानव खैरनार आणि अथर्व खैरनार यांच्यासह अनेक मान्यवर उपस्थित होते. या सोहळ्याने छत्रपती संभाजी महाराज यांच्या शौर्य आणि त्यागाची आठवण पुन्हा एकदा ताजी केली.

आमदार सुहास कांदे यांच्या पुढाकाराने उभारण्यात आलेले हे स्मारक स्थानिक नागरिकांसाठी प्रेरणास्थान ठरले असून, अशा कार्यक्रमांमुळे इतिहासातील महान व्यक्तिमत्त्वांचा वारसा पुढील पिढीपर्यंत पोहोचण्यास मदत होत आहे. उपस्थितांनी या प्रसंगी छत्रपती संभाजी महाराज यांच्या कार्याला उजाळा देत त्यांच्या बलिदानाचे स्मरण केले.