मनमाड ता ७ जून रोजी जाहीर होणारी मनमाड नगरपरीषदेची अंतिम प्रभाग रचना जाहीर करण्याच्या कार्यक्रमात अंशतः बदल करण्यात आला आहे.त्यामुळे इच्छुकांना आपल्या वार्डाची प्रभाग रचना कशी झालेली असेल हे पाहण्यासाठी आणखी काही दिवस प्रतीक्षा करावी लागणार आहे.
राज्य निवडणूक आयोगाच्या सूचनेनुसार आता नगरपालिकेची अंतिम प्रभाग रचना ९ जून नंतर जाहीर केली जाणार आहे.यापूर्वी मनमाड नगरपरीषदेच्या प्रभाग रचनांचा आराखडा राज्य निवडणूक आयोगाच्या सूचनेनुसार नगरपरीषद प्रशासनाने जाहीर केला.त्यावर नागरिकांच्या हरकती आणि सूचना मागविण्यात आल्या होत्या.मनमाड शहरातून या प्रारूप प्रभाग रचनेवर आणि आराखड्यावर १८ हरकती आणि सूचना दाखल झाल्या होत्या.मुदतीनंतर जिल्हा प्रशासनाने या हरकती आणि सूचनाची पाहणी करून तसा अहवाल राज्य निवडणूक आयोगाकडे पाठवला होता.या अगोदर जाहीर झालेल्या कार्यक्रमानुसार मनमाड नगरपालिकेची अंतिम प्रभाग रचना ७ जून रोजी जाहीर करण्यात येणार होती.परंतु त्यात आता बदल करण्यात आला आहे.निवडणूक आयोगाने दिलेल्या सूचनेनुसार नगर परीषदच्या अंतिम प्रभाग रचनेचा आराखडा ७ जून रोजी जाहीर करण्याचे निश्चित केले होते.परंतु आता त्यात बदल करण्यात आला आहे. अधिनियमातील कलम १० नुसार पालिकांची प्रभाग रचनेची अधिसूचना राजपत्रात तसेच स्थानिक वृत्तपत्रात जिल्हाधिकारी कार्यालय आणि नगरपरीषदेंच्या वेबसाईटवर प्रसिद्ध करण्यासाठी निश्चित करण्यात आलेल्या तारखेत बदल करण्यात आला आहे.अंतिम प्रभाग रचना प्रसिद्ध करण्यासाठी आता ७ जून ऐवजी ९ जून पर्यंत मुदतवाढ देण्यात आली आहे.
0 टिप्पण्या