बहिणीने केला भावाचा खून;मनमाड शहरातील घटना... नागरिकांमध्ये खळबळ ..

 मनमाड प्रतिनिधी ता २५:

दारूच्या नशेत भावाने बहिणीला शिवीगाळ केल्याने आलेल्या रागातून बहिणीने आपल्या स्वतःच्या भावाला चाकूने  भोकसल्याने  भावाचा जागीच मृत्यू झाल्याची घटना आज दुपारी शहरातील विवेकानंद नगर नंबर 2 या भागात घडली पोलिसांनी घटनास्थळी जाऊन पंचनामा केला सदर महिलेवर गुन्हा दाखल करण्याचे काम उशिरापर्यंत सुरू होते

मनमाड शहरात असलेल्या विवेकानंद नगर २ परीसरात संदीप उर्फ बाळू गोंगे हे राहत होता काही महिन्यांपूर्वी त्यांची श्रीरामपूर येथे राहणारी बहीण शोभा गारुडकर हिची मुलगी वारली होती त्यामुळे शोभा या काही दिवस आपल्या माहेरी आईकडे राहायला आल्या होत्या भाऊ बाळू हा सतत दारूच्या नशेत असायचा आजही तो दारू पिऊन आल्यामुळे त्याने घरात बहिणीला शिवीगाळ केली दोघांचे भांडण झाले भावाने शिवीगाळ केल्याचा राग आल्यामुळे सदर बहिणीने भावाला धाक दाखविण्यासाठी किचनमध्ये असलेला चाकू आणून भावाला दाख दाखवत होती मात्र या धाक दाखवण्याच्या नादात बहिणीच्या हातातील चाकू भावाच्या पोटात घुसल्यामुळे तो आरपार गेला घाव गंभीर स्वरूपाचा लागल्याने रक्तस्राव जास्त झाला आणि भावाचा जागीच मृत्यू झाला भावाचा आपल्या हातून खून झाल्यामुळे बहीण शोभा गारुडकर (वय ५५, रा श्रीरामपूर) ही थेट पोलीस स्थानक गाठून घडलेला प्रकार सांगितला पोलिसांनी तातडीने घटनास्थळी धाव घेऊन जागेचा पंचनामा केला सदर प्रकरणी गुन्हा दाखल करण्याचे काम सुरू असून या प्रकरणी प्रभारी पोलीस निरीक्षक प्रल्हाद गीते हे तपास पाहत आहे 

मनमाड : शहरातील विवेकानंद नगर नंबर २ भागात खुनाच्या ठिकाणी पाहणी करतांना प्रभारी पोलीस निरीक्षक प्रल्हाद गीते यांच्यासह पोलीस पथक