माँसाहेब मीनाताई ठाकरे यांच्या स्मृतिदिनानिमित्त मनमाड शिवसेना शहर शाखेतर्फे अभिवादन

 माँसाहेब मीनाताई ठाकरे यांच्या स्मृतिदिनानिमित्त मनमाड शिवसेना शहर शाखेतर्फे अभिवादन

मनमाड : शिवसेना (उद्धव बाळासाहेब ठाकरे) मनमाड शहर शाखेच्या वतीने ६ सप्टेंबर रोजी माँसाहेब, वंदनीय मीनाताई बाळासाहेब ठाकरे यांच्या स्मृतिदिनानिमित्त मुक्तांगण येथे भावपूर्ण अभिवादन करण्यात आले.

शिवसेना जिल्हाप्रमुख प्रवीण नाईक यांच्या मार्गदर्शनाखाली निष्ठावंत शिवसैनिक जाफर मिर्झा यांनी या अभिवादन कार्यक्रमाचे आयोजन केले होते. यावेळी शिवसेना महिला आघाडीच्या उपजिल्हाप्रमुख सौ. रेणुकांताई जयस्वाल, ज्येष्ठ शिवसैनिक राजाभाऊ आहेर, शहरप्रमुख माधव शेलार, दुर्वा विनय आहेर आदींच्या हस्ते माँसाहेब मीनाताई ठाकरे यांच्या प्रतिमेस पुष्पहार अर्पण करून आदरांजली वाहण्यात आली.
यावेळी उपस्थित शिवसैनिकांनी “अमर रहे, अमर रहे, माँसाहेब अमर रहे” अशा घोषणा देत प्रतिमेस पुष्प अर्पण करून अभिवादन केले.

कार्यक्रमादरम्यान माँसाहेब मीनाताई ठाकरे यांच्या मातृतुल्य, स्नेहाळ आणि आदरणीय व्यक्तिमत्त्वाच्या आठवणींना उजाळा देण्यात आला. शिवसेनेच्या जडणघडणीत तसेच शिवसैनिकांना ऊर्जा आणि आधार देण्यात माँसाहेबांचे योगदान महत्त्वपूर्ण असून त्यांच्या आठवणी सदैव स्मरणात राहतील, अशा भावना उपस्थितांनी व्यक्त केल्या.

या कार्यक्रमास शिवसेनेचे तालुका उपप्रमुख राजाभाऊ कासार, राजाभाऊ धोंडगे, युवासेना उपजिल्हाधिकारी आशिष घुगे, तालुका सचिव शैलेश सोनवणे, माजी नगरसेवक विनय आहेर, उपशहरप्रमुख राजाभाऊ वाघ, कचरू आव्हाड, संतोष साळुंके, राकेश अहिरराव, वसंत नागरे, बबन आव्हाड, सिद्धांत पाटील, चेतन चावरिया, शहर संघटक विजय परदेशी, विजय शिनगारे, योगेश परदेशी, काळू माळी, बाळासाहेब सुपेकर, युवासेनेच्या प्रियांजली जयस्वाल यांच्यासह मोठ्या संख्येने शिवसैनिक व नागरिक उपस्थित होते.