मनमाड शहरात हजरत ख्वाजा गरीब नवाज यांच्या ८१४ व्या उर्स निमित्त आम दावत भव्य (अन्नदान) कार्यक्रम; प्रेम व एकोप्याचा संदेश घेऊन हजारो श्रद्धाळू एकत्र!

मनमाड – ख्वाजा गरीब नवाज हजरत मोईनुद्दीन चिस्ती अजमेरी (रह.) यांच्या ८१४ व्या उर्स मुबारक निमित्ताने KGN सोशल ग्रुप, नजराणा सोसायटी, मनमाड यांच्या वतीने आम दावत व अन्नदान कार्यक्रमाचे आयोजन करण्यात आले.या कार्यक्रमास स्थानिक नागरिक, सामाजिक कार्यकर्ते तसेच श्रद्धाळू मोठ्या संख्येने उपस्थित होते. कार्यक्रमाची सुरुवात दरुद–सलाम पठणाने करण्यात आली. त्यानंतर पैगंबरांची व सुफी परंपरेची शिकवण सांगणारे शब्द, एकात्मतेचा आणि मानवसेवेचा संदेश देणारे भाषण झाले.कार्यक्रमात सर्व उपस्थितांना प्रेम व बंधुतेचे प्रतीक म्हणून अन्नदान करण्यात आले.या अन्नदान आमदावत मध्ये नागरिकांची प्रचंड गर्दी दिसून आली. 

 KGN सोशल ग्रुपच्या कार्यकर्त्यांनी समाजातील एकोप्यासाठी आणि गरीब-गरजूंना मदत करण्यासाठी अशा उपक्रमांचे सातत्य ठेवण्याचे आवाहन केले.संस्थेच्या पदाधिकाऱ्यांनी सांगितले की, “हजरत गरीब नवाज यांच्या शिकवणीप्रमाणे मानवसेवा हीच खरी इबादत आहे,” आम्ही बुजुर्गाने दिन सुफी संत यांच्या शकवणी नुसार पुढील काळात अशा सामाजिक कार्यक्रमांचा विस्तार करु असे मत सामाजिक कार्यकर्ते हुसैन अली (बंटी पठाण ) यांनी व्यक्त केले. या वेळी KGN सोशल ग्रुप, नजराणा सोसायटी, मनमाड अनेक पदधिकारी कार्यकर्ते उपस्थित होते.