मनमाड | प्रतिनिधी जमीयत उल्मा ए हिंद, मनमाड तर्फे मदरसा सिद्दीकी ए अकबर, मनमाड येथे 77 वा भारतीय प्रजासत्ताक दिन मोठ्या उत्साहात व राष्ट्रीय एकात्मतेच्या वातावरणात साजरा करण्यात आला. यावेळी प्रसिद्ध धर्मगुरू मुफ्ती असीम मुलतानी यांच्या हस्ते तिरंगा ध्वज फडकावण्यात आला.
या प्रसंगी लहान लहान चिमुकली मुले मोठ्या उत्साहाने उपस्थित होती. राष्ट्रध्वजास मानवंदना देत राष्ट्रगीत करण्यात आले. भारताच्या संविधानिक मूल्यांप्रती निष्ठा व्यक्त करण्यात आली. विविध समाजघटकातील नागरिकांची उपस्थिती ही राष्ट्रीय सलोखा व एकतेचे प्रतीक ठरली.
संघटनेचे सह पदाधिकारीही मोठ्या संख्येने उपस्थित होते.सर्व मान्यवरांनी संविधान, लोकशाही, बंधुता आणि देशप्रेम यावर आपले विचार मांडले.
हा कार्यक्रम धर्मनिरपेक्षता, राष्ट्रीय एकात्मता आणि सामाजिक सौहार्दाचा संदेश देणारा ठरला. “भारताची खरी ताकद विविधतेत असून सर्व समाज घटकांनी एकत्र येऊन देशाच्या प्रगतीसाठी काम करणे आवश्यक आहे,” असे मत यावेळी व्यक्त करण्यात आले.
0 टिप्पण्या