मनमाड नगरपरिषद सार्वत्रिक निवडणूक २०२५ : चिन्ह वाटप व मार्गदर्शन कार्यक्रम २६ नोव्हेंबर रोजी

मनमाड, दि. २४ नोव्हेंबर २०२५
मनमाड नगरपरिषदेच्या यंदाच्या सार्वत्रिक निवडणुकीसाठी उमेदवारांना निवडणूक चिन्हांचे वाटप बुधवार दि. २६ नोव्हेंबर २०२५ रोजी सकाळी ठिक ११.०० वाजता मनमाड नगरपरिषद मुख्यालयात आयोजित करण्यात आले आहे.

निवडणूक निर्णय यांच्या अध्यक्षतेखाली होणाऱ्या या कार्यक्रमात सर्व मान्यताप्राप्त राजकीय पक्षांचे अधिकृत उमेदवार व अपक्ष उमेदवारांना त्यांची निवडणूक चिन्हे वाटप केली जातील. चिन्ह वाटप प्रक्रिया पूर्ण झाल्यानंतर लगेचच दुपारी १२.३० वाजता महत्त्वाचे मार्गदर्शन सत्र होणार आहे.

या सत्रात निवडणूक निर्णय अधिकारी उमेदवारांना खालील महत्त्वाच्या बाबींवर तपशीलवार सूचना व मार्गदर्शन करणार आहेत:

✅ आदर्श आचारसंहिता  
✅ निवडणूक खर्चाची मर्यादा व हिसाब  
✅ मतदान प्रक्रिया  
✅ मतमोजणी प्रक्रिया  
✅ निवडणुकीशी संबंधित कायदेशीर तरतुदी  

निवडणूक निर्णय अधिकारी यांनी सर्व उमेदवारांना आवाहन केले आहे की, चिन्ह वाटप कार्यक्रमाला सकाळी ११.०० वाजता आणि मार्गदर्शन सत्राला दुपारी १२.३० वाजता मनमाड नगरपरिषद मुख्यालयात वेळेवर उपस्थित राहावे. 

मनमाडकरांच्या हिताचा विचार करून पारदर्शक व शांततामय निवडणूक घेण्यासाठी प्रशासन सज्ज असून, उमेदवारांच्या सक्रिय सहभागामुळे निवडणूक प्रक्रिया अधिक गतिमान व न्याय्य होईल, असा विश्वास व्यक्त केला जात आहे.निवडणूक प्रक्रियेच्या या महत्त्वाच्या टप्प्याकडे मनमाड शहराचे लक्ष लागले आहे.