ब्रेकिंग न्यूज : येवला विभाग राज्य उत्पादन शुल्काची धडक कारवाई! १ कोटी ४९ लाखांचा बनावट रॉयल स्टॅग जप्त, पिकअप-कार-बाइकसह ५ जणांना अटक

 

नाशिक/येवला, २४ नोव्हेंबर २०२५  
स्थानिक स्वराज्य संस्था निवडणुकीच्या पार्श्वभूमीवर अवैध मद्यविक्री रोखण्यासाठी राज्य उत्पादन शुल्क विभागाने कंबर कसली असतानाच येवला विभागाने रविवारी (२३ नोव्हेंबर) रात्री मोठी कारवाई करत तब्बल १ कोटी ४९ लाख रुपयांचा बनावट मद्यसाठा जप्त केला आहे.

नगर-मनमाड रोडवरील गोपाळवाडी गावाकडे जाणाऱ्या रस्त्यालगत सावरगांव शिवारात गुप्त माहितीच्या आधारे सापळा रचून ही कारवाई करण्यात आली. यात ९६० सिलबंद काचेच्या बाटल्या (१८० मि.ली.) प्रथमदर्शनी बनावट वाटणाऱ्या ‘रॉयल स्टॅग व्हिस्की’ (छापील किंमत प्रत्येकी २५० रुपये) जप्त करण्यात आल्या, ज्याची बाजारभाव किंमत सुमारे २ कोटी ४० लाख रुपये आहे.

याशिवाय आरोपींकडून  
- महिंद्रा पिकअप (MH-15 EG-3480) – अंदाजे ५.२५ लाख  
- स्विफ्ट डिझायर कार (MH-01 BY-2271) – अंदाजे ६ लाख  
- प्लॅटिना दुचाकी (MH-15 HL-5059) – अंदाजे ७५ हजार  
- ५ मोबाईल फोन – अंदाजे ५० हजार  
असे एकूण १४ कोटी ९०० हजार रुपये किंमतीचा मुद्देमाल जप्त करण्यात आला.

अटक केलेले आरोपी (सर्व रा. येवला तालुका):
1. जालिंदर मनोहर गोडसे (वय २६, विखरणी)  
2. रामदास साहेबराव होन (वय ४१, विखरणी)  
3. सुनिल वाळू खुरसणे (वय २८, विखरणी)  
4. सद्दाम कासम शाह (वय २८, विखरणी)  
5. समाधान विक्रम भुसारे (वय २६, पाटोदा)

कारवाईचे नेतृत्व निरीक्षक प्रकाश घायवट यांनी केले असून दुय्यम निरीक्षक प्रवीण मंडलिक, अवधूत पाटील व जवान मुकेश निर्वेकर, संतोष मुंढे, सुनिल टापरे, चालक दीपक नेमणार आदींनी सहभाग घेतला. ही कारवाई आयुक्त डॉ. राजेश देशमुख, सहआयुक्त प्रसाद सुर्वे, उपायुक्त उषा वर्मा, अधीक्षक संतोष झगडे, उपअधीक्षक अमृत तांबारे यांच्या मार्गदर्शनाखाली पार पाडली.

निवडणूक कालावधीत अवैध मद्यवाहतूक रोखण्यासाठी राज्य उत्पादन शुल्क विभाग सतर्क असून जनतेला अवैध मद्याची माहिती देण्यासाठी टोल फ्री क्र. १८०० ८३ ३३३३, व्हॉट्सअ‍ॅप ८४२२०० ११३३ किंवा ०२५३-२५८१०३३ वर संपर्क साधण्याचे आवाहन करण्यात आले आहे.