नांदगाव तालुक्याचे आमदार सुहास अण्णा कांदे यांचा राज्यमंत्री दर्जा प्राप्तीनिमित्त सत्कार छोटेखानी ईद मिलन कार्यक्रमात उत्साहात संपन्न

 

नांदगाव तालुक्याचे आमदार सुहास अण्णा कांदे यांचा राज्यमंत्री दर्जा प्राप्तीनिमित्त सत्कार छोटेखानी ईद मिलन कार्यक्रमात उत्साहात संपन्न 

मनमाड, दि. ३१ मार्च २०२५: नांदगाव तालुक्याचे कार्यसम्राट आणि विकास पुरुष म्हणून ओळखले जाणारे आमदार श्री सुहास अण्णा कांदे यांची महाराष्ट्र शासनाच्या विमुक्त व भटक्या जमाती कल्याण समितीच्या प्रमुखपदी राज्यमंत्री दर्जाने निवड झाल्याबद्दल छोटेखानी ईद मिलन व त्यांचा जंगी सत्कार करण्यात आला. हा कार्यक्रम मनमाडमधील नगीना मशिदीचे ट्रस्टी हाजी मकसूद राठोड, एकरा गर्ल्स हायस्कूलचे सचिव जानी भाई, संचालक सादिक भाई तांबोळी आणि फुले शाहू आंबेडकर मुस्लिम विचार मंचाचे कार्याध्यक्ष फिरोज शेख यांच्या हस्ते पार पडला. यावेळी आमदार कांदे यांना शाल आणि पुष्पगुच्छ देऊन त्यांचा गौरव करण्यात आला.

विकासकामांचा डोंगर उभा करणारे नेतृत्व

कार्यक्रमात बोलताना एकरा गर्ल्स हायस्कूलचे संचालक सादिक भाई तांबोळी यांनी आमदार सुहास कांदे यांच्या कार्याचा गौरव केला. ते म्हणाले, “आमदार सुहास अण्णा कांदे यांच्या अथक प्रयत्नांमुळे नांदगाव तालुक्यातील अनेक गावांमध्ये सामाजिक सभागृहे, पेव्हर ब्लॉक रस्ते आणि इतर मूलभूत सुविधांची विकासकामे मंजूर झाली आहेत. यामुळे स्थानिक नागरिकांचे जीवनमान उंचावले आहे.” तसेच, फुले शाहू आंबेडकर मुस्लिम विचार मंचाचे कार्याध्यक्ष फिरोज शेख यांनीही मनोगत व्यक्त करताना म्हटले, “आमदार कांदे यांच्या विकासाला समर्पित कार्यामुळे नांदगाव तालुका प्रगतीच्या मार्गावर सतत पुढे सरकत आहे. त्यांचे योगदान या यशात मोलाचे आहे.”नांदगावच्या विकासाला नवी दिशा आमदार सुहास अण्णा कांदे यांच्या नेतृत्वाखाली नांदगाव तालुक्यातील विकासकामांना गती मिळाली असून, त्यांच्या या नव्या जबाबदारीमुळे विमुक्त व भटक्या जमातींच्या कल्याणासाठीही मोठे योगदान मिळण्याची अपेक्षा व्यक्त केली जात आहे. हा सत्कार सोहळा म्हणजे त्यांच्या कार्याची पावती आणि पुढील वाटचालीसाठी शुभेच्छांचा वर्षाव ठरला.

ईद मिलन कार्यक्रमाचे औचित्य

या सत्कार सोहळ्यासोबतच छोटेखानी ईद मिलन कार्यक्रमाचेही आयोजन करण्यात आले होते. आमदार सुहास अण्णा कांदे यांच्या प्रतिनिधींनी उपस्थित पाहुण्यांचे तोंड गोड करून सर्वांना रमजान ईदच्या शुभेच्छा दिल्या. या प्रसंगी मौलाना अबुल कलाम आझाद विकास महामंडळाचे संचालक फरान दादा खान, उस्मानियावाले नूरुभाई, शारिक राठोड, इंजिनिअर अनस भाई तांबोळी, नावेद तांबोळी, आंतरराष्ट्रीय जिम्नॅस्टिक खेळाडू सैफ तांबोळी, फैजान खान यांच्यासह अनेक मान्यवर उपस्थित होते.