जन आवाज़ न्यूज

 मनमाड शहर काँग्रेस आणि राष्ट्रवादी काँग्रेसतर्फे पवारांच्या घरावर झालेल्या भ्याड हल्ल्याच्या निषेधार्थ आंदोलन करण्यात आले.

मनमाड : उप पोलीस निरीक्षक गौतम तायडे यांना निवेदन देताना राष्ट्रवादी काँग्रेसचे पदाधिकारी, कार्यकर्ते

मनमाड ता १०:  राष्ट्रवादी काँग्रेस पक्षाचे सर्वेसर्वा शरदचंद्र पवार यांच्या निवासस्थानी झालेल्या आंदोलनाचा मनमाड शहर काँग्रेस आणि राष्ट्रवादी काँग्रेसतर्फे शहरातील छत्रपती शिवाजी पुतळा  आणि महात्मा गांधी पुतळा समोर निषेध करण्यात आला यावेळी विविध घोषणा बाजी देखील देण्यात आले. याप्रसंगी मनमाड शहर पोलीस स्थानकाचे उपनिरीक्षक गौतम तायडे यांना निवेदन देण्यात आले.
              राष्ट्रवादी काँग्रेस पक्षाचे संस्थापक अध्यक्ष  शरदचंद्र पवार  यांच्या मुंबई येथील सिल्वर ओक या निवासस्थानी एस . टी . कर्मचाऱ्यांनी व्देशापोटी कुणाच्या सांगण्यावरून आपला उद्रेक व्यक्त करण्याकरीता न सांगता अचानकपणे पवार यांच्या घरावरती आंदोलन करून चपला फेकून मारणेसारखे प्रकार घडवून आणला.याचा राष्ट्रवादी काँग्रेस पक्ष तिव्र निषेध करीत आहे.आंदोलनातील खरे आंदोलन कर्ते कोण व बोगस आंदोलनकर्ते कोण यांचा शोध घेऊन त्यांच्यावर कठोर कारवाई करावी अन्यथा प्रवेश अध्यक्ष जयंत पाटील , पालकमंत्री  छगनराव भुजबळ  यांच्या आदेशान्वये व माजी आमदार पंकज भुजबळ यांच्या मार्गदर्शनाने कुठलीही पूर्व सूचना न देता यापेक्षाही तिव्र आंदोलन छेडेल याची प्रशासनाने दखल घ्यावी . व होणाऱ्या नुकसानीस प्रशासन जबाबदार राहिल याची नोंद घ्यावी, असे दिलेल्या निवेदनात म्हटले आहे.

याप्रसंगी माजी नगराध्यक्ष योगेश पाटील, माजी उपनगराध्यक्ष प्रकाश बोधक, अल्पसंख्याक तालुकाध्यक्ष हबीब शेख, राष्ट्रवादी महिला शहराध्यक्ष अर्पणा देशमुख, शहराध्यक्ष दीपक गोगड, कार्याध्यक्ष नाना शिंदे, डॉली निकाळे, अमोल गांगुर्डे, योगेश जाधव, अरविंद काळे, आनंद बोथरा, विठ्ठल नलावडे, पवन आहिरे, अमोल काळे, नितिन वाघमारे, श्रीराज कातकडे, अक्षय देशमुख, कॉग्रेसचे जेष्ठ नेते कॉ.रहेमान शहा, इम्रान शहा, आजम शहा, शुभम भाबड, मूसेफ आतार, हामिद शेख आदि उपस्थित होते.