जन आवाज़ न्यूज

 मनमाड:लासलगाव फाटा, येथील अनिल आहिरे हत्येचा आरोपी १२ तासात नाशिक ग्रामीण पोलीसांच्या ताब्यात.

लासलगाव ते मनमाड रोडच्या बाजुला, वागदडर्डी धरणाजवळ, पडीत जागेवर चांदवड पोलीस हद्दीत अज्ञात इसमाने कुठल्या तरी तीक्ष्ण हत्याराने अनिल आहिरे यांची हत्या केली होती,त्या नुसार चांदवड पोलीस (स्टेशन कडील गुन्हा रजि. नं. ४७ / २०२२ भादवि कलम ३०२ प्रमाणे दिनांक ०७/०२/२०२२ रोजी अज्ञात इसमा विरुद्ध खुनाचा गुन्हा दाखल करण्यात आला होता. पोलीस अधिक्षक, नाशिक ग्रामीण श्री. सचिन पाटील यांनी सदर घटनेबाबत तात्काळ दखल घेवून अज्ञात आरोपी यांना तात्काळ अटक व खुनाचा तपास लवकरात लवकर करणेबाबतचे आदेश स्थानिक गुन्हे शाखा व चांदवड पोलीस यांना दिले होते.

पोलीस अधिक्षक, नाशिक ग्रामीण श्री सचिन पाटील यांना चांदवड पोलीस स्टेशन येथे दाखल असलेल्या खुन्याच्या गुन्हातील आरोपींची गुप्तबातमीदाराकडुन बातमी मिळताच त्यांनी सदरची बातमी पोलीस निरीक्षक हेमंत पाटील, नेमणुक स्थानिक गुन्हे शाखा व पोलीस निरीक्षक समीर बारावरकर, नेमणुक चांदवड पोलीस स्टेशन यांना सांगुन तात्काळ कार्यवाही करणेबाबतचे आदेश दिले.
 पथकांनी मिळालेल्या बातमीप्रमाणे मनमाड चांदवड रोडवरील सीसीटीव्ही फुटेज तपासणी करून सीसीटीव्ही मध्ये दिसत असलेल्या संशयीत इसमाची माहिती घेवून गंगावे ता. चांदवड येथे जावुन आरोपी नामे दत्तात्रय विश्वनाय उबाळे यांची चौकशी केली असता आरोपी हे गावात असल्याचे प्राथमिक चौकशी मध्ये निष्पन्न झाले. आरोपीचा शोध घेतला असता आरोपी हा गावात मिळून आला, पोलीस पथकाने  गुन्हयातील मयत अनिल रतन आहिरे या बाबत चौकशी केली असता आरोपीने उडवाउडवीचे उत्तरे दिली, पोलीस पथकाला त्यांची शंका आल्याने गुन्हयाबाबत आरोपी कडे सखोल चौकशी करण्यात आली आरोपीने चौकशीत गुन्हा केल्याची कबुली दिली. चांदवड पोलीसांनी आरोपीला ताब्यात घेतले असुन आरोपीस पुढील तपासाकरीता ०५ दिवस पोलीस कस्टडी मिळालेली आहे.
मा. पोलीस अधीक्षक श्री. सचिन पाटील यांचे सुचना व मार्गदर्शनानुसार चांदवड पोलीस ठाण्याचे पोलीस निरीक्षक / समीर बारावरकर हे पुढील तपास करीत आहे. सदर कामगिरीमध्ये पोलीस निरीक्षक हेमंत पाटील, समीर बारावरकर, सपोनि सागर शिंपी, पोउपनि संदिप पाटील, मुकेश गुजर, सहापोउपनि / विठठल बागुल, पोहता सोनवणे, पोना लोखंडे, गांगुर्डे पोकॉ कुणाल मोरे व चांदवड व मनमाड पोलीस स्टेशन गुन्हे प्रकटीकरण पथक हे सामिल होते.