विक्रमी मताधिक्याने विजयी आमीन पटेल यांचा प्रभागात भव्य जंगी सत्कार

 

चिमुकली जैनबच्या हातून सत्कार, उपस्थितांचे डोळे पाणावले

मनमाड : मनमाड नगर परिषद निवडणुकीत प्रभाग क्रमांक ११ मधून अभूतपूर्व विक्रमी १९४७ मतांच्या फरकाने दणदणीत विजय मिळवणारे युवा नगरसेवक अमीन पटेल यांचा प्रभागातील नागरिकांनी आज भव्य आणि भावपूर्ण सत्कार करून गौरव केला. शाल, पुष्पगुच्छ, पुष्पहार आणि मनापासून दिलेल्या प्रेमाने सजलेल्या या सत्कार समारंभात प्रभागातील प्रत्येक घराने उत्साहाने सहभाग घेतला.

या सत्काराचा सर्वात सुंदर आणि हृदयस्पर्शी क्षण ठरला तो चिमुकली जैनब अत्तारच्या हातून अमीन पटेल यांना मिळालेला सत्कार. केवळ ७-८ वर्षांच्या या लहान मुलीने अमीन काकांना शाल ओढून, पुष्पगुच्छ देऊन सन्मान केला. जैनबच्या निरागस भावनेने आणि “अमीन काका आम्हा मुलांना खूप प्रेम देतात, आमच्या छोट्या-छोट्या गोष्टी लक्षात ठेवतात,” अशा शब्दांत व्यक्त केलेल्या भावनेने उपस्थितांचे डोळे पाणावले आणि टाळ्यांचा कडकडाट गाजला.

आमीन पटेल यांनी गेल्या काही वर्षांत प्रभाग क्रमांक ११ ला पूर्णपणे बदलून टाकले आहे. हायमास्ट लाइट्स, अंडरग्राउंड ड्रेनेज, मजबूत सिमेंट काँक्रीट रस्ते, पेव्हिंग ब्लॉक, पाणीपुरवठा व्यवस्था, स्वच्छता मोहिमा अशा अनेक विकासकामांनी प्रभागाचा चेहरा बदलून टाकला आहे. सर्व समाज, सर्व धर्म, सर्व जाती-जमातींना सोबत घेऊन केलेल्या या सर्वसमावेशक कामामुळे त्यांचा जनसंपर्क दांडगा आहे. याच जनसंपर्काची, प्रेमाची आणि विश्वासाची पावती म्हणून नागरिकांनी त्यांना १९४७ मतांच्या प्रचंड फरकाने निवडून आणले.

सत्कार स्वीकारताना अमीन पटेल यांनी भावुक होऊन म्हटले,  

“प्रभागातील प्रत्येक नागरिक माझ्या कुटुंबाचा भाग आहे. त्यांच्या प्रेम, आशीर्वाद आणि विश्वासामुळे आज मी येथे उभा आहे. पुढील पाच वर्षांत अधिक जोमाने, अधिक वेगाने विकासकामे राबवून प्रभाग ११ ला आदर्श प्रभाग बनवणार आहे. जैनबसारख्या चिमुकल्या मुलीच्या हातून सत्कार मिळणे म्हणजे प्रभागातील सर्व लहान मुलांनाही माझ्याबद्दल आपुलकी आहे, ही माझ्यासाठी सर्वोच्च अभिमानाची गोष्ट आहे.”

प्रभागातील नागरिकांनीही आमीन पटेल यांच्या साध्या, जमिनीवरच्या स्वभावाची आणि अडीअडचणींमध्ये तात्काळ मदत करणाऱ्या तत्परतेची मनापासून प्रशंसा केली. “अमीन भाऊ आमच्या प्रत्येक अडचणीत स्वतःच्या मानून लगेच धावतात,” अशा प्रतिक्रिया अनेकांनी व्यक्त केल्या.
या सत्कार समारंभाने प्रभाग ११ मधील एकता, विकास आणि लोकविश्वासाचा एक सुंदर आणि प्रेरणादायी अध्याय लिहिला आहे. अमीन पटेल यांचा हा यशस्वी प्रवास आणि त्यांच्यावर असलेला प्रभागातील नागरिकांचा प्रेमाचा ओलावा यातूनच दिसून येतो.